[ Boboka aho ry tanindrazako ]
"Tsy irery ianao ry Rado"
Tsy irery ianao ry Rado
Fa na lasana aza ianao
Izahay anohy fa tsy hiato
Hanarina izao misy izao
Fa antsika gasikara
Ka samy itondra irony anjara
Entina hanatsara
Ity tanindrazana malala
Fa manontany teny ihany aho
Hoe mbola misy ve ny toa anao
Vonona anome ny ainy
Ka ny fanambazana tsy ilainy
Mbola ao ve ireo tsy voavidy vola
Vonon-kiady fa tsy tola
Efa tafarina ve ireo reraky ny tolona
Hitarik'indray ny fiaraha-monina
Fa raha tanteraka izany
Ho lasa ny tomany
Hijoro indray isika
Ka mety ho vahoaka tsy hita isa
Koa mandriam-piadanana Rado
Fa mino aho fa any andro
Hijoro ireo sasa-miandry
Ary hamokona ny sandry
Tovonony 2009
Valin'ny Tononkalon'ny Rado
Labels:
Dago,
famakafakana,
gasy,
haisoratra,
lahatsoratra,
literatiora,
Madagasikara,
Malagasy,
Rado,
riba,
Tononkalo,
Tovonony
Subscribe to:
Post Comments (Atom)
No comments:
Post a Comment